Villreinjakt på Ullensvang statsallmenning for utanbygdsbuande 2023

Informasjon om reinsjakta på Ullensvang statsallmenning 2023

Jaktkort på statsallmenning vert tildelt etter reglane i Fjellova §§ 23, 24 og 25. Fjellstyret kan kun tildele jakt til personar busett i Noreg. Søknadar frå søkarar som ikkje er busett i Noreg blir sletta utan forvarsel. Applications from persons not living in Norway will be deleted without warning.

 Det kan bli endringar i info til jegerane før jakta. Endeleg info blir sendt ut i lag med korta.

Fellingsstatistikk tidlegare år: Vald HA 281 og HA 282 i Hjorteviltregisteret: https://hjorteviltregisteret.no/Statistikk/Villrein/Jaktstatistikk/TildelteOgFelte?Gruppering=0

Oppdatert info om reinsjakta på Ullensvang statsallmenning hausten 2023: Lenke nettside

Kort på statsallmenning er personleg og kan ikkje overdragast eller seljast til andre. Dette betyr at ingen andre enn den som kjøper korta kan jakte på dei. Dei kan ikkje delast med andre. Unntaket er jaktlagsordninga - men i eit jaktlag må alle deltakarar ha jaktkort tildelt frå Ullensvang fjellstyre. 

Dersom du blir tildelt kort må du ta i mot begge korta - du kan ikkje kjøpe berre eit kort.

Selde kort blir ikkje refundert.

Jakttid og reglar:

·         Jakttida er 20. august til og med 20. september.

·         Det er nattefreding på Ullensvang statsallmenning mellom kl. 1900 og 0700.

·         Jegerar som er tildelt kort frå Ullensvang fjellstyre kan overføre kort til andre jegerar som har fått tildelt kort frå Ullensvang fjellstyre. Kort kan berre overførast ein gong. Jeger som har overført kort har ansvar for innlevering av korta til fjellstyret etter jakta.

Ut over dette er kort på statsallmenning personleg, og kan ikkje overdragast eller seljast til andre.

·         Jegerar må elles forhalda seg til alle offentlegrettslege reglar med omsyn til krav for å gå på storviltjakt. Du skal ha med deg:

o   Jaktkort

o   Våpenkort

o   Dokumentasjon på betalt jegeravgift og avlagt skyteprøve

o   Eventuell avtale om jaktlag

ALL RELEVANT OG ENDELEG INFORMASJON VERT SENDT PÅ EPOST TIL ALLE SOM VERT TILDELT KORT!!

Hugs at du MÅ levere inn brukte og ubrukte kort til Ullensvang fjellstyre seinast fem dagar etter siste jaktdag.

Det er jegeren sitt ansvar å halde seg oppdatert på gjeldande reglar og retningslinjer for jakta. Informasjon blir lagt ut på heimesida til fjellstyret etterkvart som jakttider, samjaktsavtalar osv. blir klart. 

NB!! Det er etablert fredningssoner på Ullensvang statsallmenning. Dette avgrensar jaktområdet ift. grensa til Ullensvang statsallmenning. Info om fredingssoner for jakta 2023 blir lagt ut på heimesida og sendt ut på e-post til dei som er tildelt kort før jakta.

Innsamling av cwd-prøve og underkjeve:

Jegerane på Hardangervidda skal levere underkjeve og ta hjerne- og lymfeprøve av alle felte dyr som er 1,5 år eller eldre. Prøvetakingsutstyr blir levert ut med korta. Info om cwd og prøvetaking: https://www.hjortevilt.no/skrantesjuke/kartleggingsprogrammet-for-skrantesjuke/

NB: Fjellstyret eller oppsynet skal ikkje ha tilsendt/levert cwd-prøvar. Dette kan berre leverast gjennom ferdigfrankert konvolutt som følgjer med prøvetakingsutstyret. Ubrukte prøvesett kan leverast til fjellstyret, eller du kan ta vare på settet til neste år.

Jaktlag:

Info om oppretting av jaktlag blir sendt ut på e-post til jegerane før jakta.

Jegerar som har fått tildelt fellingsløyve på villrein i Ullensvang statsallmenning kan organisere seg i jaktlag på inntil fem personar. Det kan berre dannast jaktlag med kort stempla HA-281 eller HA-282. Alle på jaktlaget må vera tildelt slike fellingsløyve. Ein person kan berre vera medlem i eit jaktlag. Kort som gir fellingsløyve på Eidfjord statsallmenning sør for Nordmannslågen kan nyttast i jaktlag, men jaktlagsmedlemmene kan berre nytta desse korta på Ullensvang statsallmenning (ikkje Eidfjord statsallmenning sør for Nordmannslågen). Alle medlemmene i jaktlaget skal ha ein kopi av jaktlagsskjemaet med seg under jakta.

Fredingssoner:

På Ullensvang statsallmenning er det etablert to fredingssoner («fredingssone nord» og «fredingssone sør») der det ikkje er lovleg å drive reinsjakt. Fredingssonene er vist i kart som blir delt ut i lag med korta. Fredingssonene gjeld heile jakta – eventuelle endringar vil bli opplyst om.

Kortreturordning:

Ullensvang fjellstyre har ikkje kortreturordning i 2023.

Innlevering av reinskorta etter jakta:

Alle jaktkorta skal sendast til Ullensvang fjellstyre, Sandvikevegen 11, 5780 Kinsarvik (eventuelt leverast på heradshuset) seinast fem dagar etter jaktslutt. Dette gjeld uavhengig av om korta er brukt eller ikkje.

Transport:

Villreinjegerar med gyldig fellingsløyve kan nytte fly eller helikopter til inn- og uttransport frå og med tre dagar før reinsjakta til og med tre dagar etter reinsjakta. Kontakinfo til flyselskapa står under kontaktinformasjon på neste side. Det er fastsett eigne vatn det kan landast på til dette føremålet, her kan helikopter lande innanfor ein avstand på 100 meter frå vatna. Vatna det kan landast ved på Ullensvang statsallmenning er:

·         Litlosvatn

·         Kvennsjøen

·         Øvsta Krokavatnet

·         Nedsta Krokavatnet

·         Øvsta Bjørnavatnet

·         Nedsta Bjørnavatnet

·         Midtra Grøndalsvatn

·         Vetle Valgardsvatn

·         Store Valgardsvatn

·         Holmavatnet

Det blir sett opp nokre turar med traktor for uttransport av kjøt på strekninga Hansbu-Tinnhølen. Når det er ledig kapasitet kan ein sende inn utstyr med traktorane. Liste over traktorsjåførar som har løyve blir lagt ut på heimesida http://hardangervidda-fjellstyra.no/jakt-ullensvang før jakta. Det er opp til kvar enkelt jeger å ta kontakt med traktorsjåfør for å avtale transport.

Telting:

Det er fastsett eigne teltplassar for villreinjegerar, med eventuelle hjelpemannskap. Ein dag før og under villreinjakta kan ein kun telte eller slå leir på fyljande stadar:

Teltplass

UTM sone 32 v

Hansbu før bekken

412220, 6661760

Hansbu v/naustet (Nedsta Krokavatnet)

411220, 6661190

Litlos

396440, 6662870

Belebotn

397420, 6658690

Nybu v/Håvardsvatn

383780, 6664470

Øvsta Krokavasshadlet

405120, 6662790

Holmavatnet

393120, 6657790

Hovlandsstølen

408405, 6657790

Ysteinsbu

401797, 6661894

Raudåna

399689, 6659247

Belebu

399268, 6659218

Bjørnavassbu

408839, 6657269

Kortmark

405231, 6656510

Persbu

404101, 6655663

Nordsida av Midtra Grøndalsvatn

396586, 6668683

Torehytta

391124, 6676543

Tyssevassbu

380210, 6670728

Langavatnet ved Ullensvang fjellstyre si hytte

376310, 6663716

Lenke til kart med oversikt over teltplassane.

Forskrift om telt- og leirslåing innen Eidfjord, Ullensvang og Røldal statsallmenningar: https://lovdata.no/dokument/LF/forskrift/1987-11-06-897

Vedtak gjort av Fellesstyret for Ullensvang statsallmenning i sak FUS 27/18 i møte 15.5.2018: http://hardangervidda-fjellstyra.no/index.php?pagePreview=1&p=1_118