Elg- og hjortejakt i Lemonsjø - Tesseområdet, Langmorkje statsallmenning.
Vågå fjellstyre har fordelt elg- og hjortejakta i Langmorkje statsallmenning i ni jaktfelt. Felta blir tildelt på treårskontrakter. Alle er ledige same året, dvs. i 2022, 2025 osv.
Arter
- Elg
- Hjort
Beliggenhet
Viktige datoer
01.04.2025 kl. 09:00
02.05.2025 kl. 23:59
Kontakt selger
Kjøp/søk jakt her
Priser
Prisar elg-/ hjortejakt 2025:
Grunnavgift elg: kr. 3.800,-
Ingen grunnavgift på hjort
Pris pr/kg for både elg og hjort: kr. 89,- (ingen moms)
Mer detaljert beskrivelse
Vågå fjellstyre har fordelt elgjakta i Langmorkje statsallmenning i ni jaktfelt. Felta blir tildelt på treårskontrakter. Alle er ledige same året, dvs. i 2022, 2025 osv. For søknad blir det vist til søknad om elg- og hjortejakt på statsallmenning. For 6 av felta er innanbygds prioritert, og 3 felt blir lyst ut ope for alle. For meir informasjon, sjå Vågå fjellstyre si heimeside: www.vaga-fjellstyre.no
Bestand
Elgbestanden i området har vore stabil dei siste åra, medan bestanden av hjort ser ut til å ha auka. I 2024 vart det felt 42 elgar (kvote på 46 dyr) og 16 hjortar (kvote på 20). Oppgjevne kvoter er foreløpige, fordeling på alder og kjønn er ikkje klare. For hjort blir det gjeve ei totalkvote for heile statsallmenninga, som alle laga kan jakte på. Jakttida for hjort er 01.09 - 23.12.
Beliggenhet og terrengbeskrivelse
Langmorkje statsallmenning dekkjer store delar av arealet i Vågå kommune sør for Ottadalen. I jaktfelta er det både barskog, lauvskog og snaufjell. Jaktfelta eignar seg for jakt både med laushund og bandhund.
Om Lemonsjø - Tesseområdet
Jaktfeltet ligg i nordre del av Langmorkje statsallmenning, mellom vatna Tesse og Lemonsjøen, ca. 15 km sørvest for Vågåmo sentrum. Det er også hjortejakt i perioden 01.09 til 23.12.
Anbefalte lenker
Jaktregler
Av spesielle reglar utover dei generelle reglane om elg- og hjortejakt i statsallmenning, krev fjellstyret at det er godkjent ettersøkshund (ekvipasje) i jaktlaget.
Jakttid for delt jakt er 25.09-10.10 (elg) og 01.09-10.10 (hjort) i 1. periode, og 11.10-31.10 (elg og hjort) i 2. periode. Det blir ei rullering mellom dei to jaktlaga som får tildelt jakt i same feltet, slik at det jaktlaget som blir trekt ut på 1. periode i 2025, får 2. periode i 2026 og 1. periode att i 2027. Dersom eit jaktlag fyller grunnkvota på elg før den 10. oktober, kan neste lag starte jakta før den 11. oktober, sjølv om det står att hjort på totalkvota. Det same gjeld om laget i 1. periode ikkje har felt alle elgane til 10. oktober og laget i 2. periode fyller kvota før 31. oktober, da kan laget i 1. periode «sleppe til att» før den 31. oktober. Dersom jaktlag ikkje har fylt grunnkvote på elg eller felt eventuelt tildelt tilleggsdyr, kan det bli opna få jakte på desse etter den 1. november.
Fjellstyret har vedteke ei rulleringsordning blant innanbygds jaktlag, slik at dei laga som hadde jakt førre periode blir stilt bak ved neste trekning. Innanbygds lag i trekninga kan ha med maks ein jeger frå eitt av dei laga som hadde jakt siste treårsperiode.
For all jakt hjå fjellstyra gjeld forskrift om jakt, felling, fangst og fiske på statsallmenning. Elles viser vi til generelle reglar for elg- og hjortejakt i statsallmenning, og lokale reglar for elg- og hjortejakt i Langmorkje statsallmenning.
Veibeskrivelse
Generelt er jaktfelta lett tilgjengeleg frå fylkesveg 51 gjennom Sjodalen og frå mange av seter- og skogsvegane i området.