Ullaland - Nausta

Fiskedøgn gjeld fra dagen kortet er kjøpt fra kl. 18:00, til dagen etter kl. 17:59.
Sona har fang og slepp (Catch'n'Release) kvote på 2stk pr. døgn pr. stang.

Vis hensyn til grunneigar. Parkér på naturlege eller oppgitte P-plassar og følg fiskestien ned til, og langs elva. Ikkje trakk unødig på dyrka mark.

Fiskekort er kun gyldig sammen med bevis for betalt fiskeravgift.

Kartet på salgssiden er kun veiledende. Oppmerking i elva, og/eller lokale fiskeregler, er til enhver tid gjeldende for gyldig fiskeområde.

Fiskereglar Nausta 2025
Følgjande reglar er fastsett for fiske etter anadrom laksefisk i Nausta. Frå og med 2023 skal alle som
fiskar i Nausta registrere seg gjennom Inatur. Alle som skal fiske i Nausta må skaffe seg
rapporteringskort hjå Inatur før fiske startar: Inatur Nausta. Rapportering av fangst skjer også via
denne portalen. Alle som skal fiske i Nausta har plikt til å sette seg inn i gjeldande fiskereglar.
§1 Fisketid
• Laks: 1. juni – 31. august 2025
• Sjøaure: 15. juni – 15. august 2025

§2 Reiskapsbruk og fiskemetode
Til fangst av anadrom laksefisk er det berre tillate å bruke stong. Det kan berre nyttast ein reiskap per
person, eitt snøre per reiskap og eitt agn per snøre. Reiskapen skal ikkje forlatast under fiske. Lovleg
fiskereiskap er fluge, sluk, spinner, wobbler og makk. Krokar skal vere utan mothaker, og for makk er
det berre tillate med sirkelkrok. Det er forbode å fiske på ein slik måte at fisken truleg vil krøkast.
Avstanden mellom krokstammen og krokspissen skal ikkje vere større enn 13 mm, for enkeltkrok
ikkje større enn 15 mm. Det er ikkje tillate å bruke søkke ved anna enn markfiske. Ved bruk at floge
som agn, er det dupp eller snøre som skal utgjere kastevekta.

§3 Gjenutsetting og innlevering
Fisk som skal settast ut skal handsamast på ein skånsam måte og i tråd med praksis vist i foldaren
«Gjenutsetting av laksefisk, Fang og slipp!». Denne ligg ute på heimesida til laget. Ein kan også laste
den ned via denne lenka: https://lakseelver.no/nb/news-2016/gjenutsetting-av-laksefisk. For å
redusere skadar på skjell og slim, skal det nyttast knutefri hov. Alle fiskarar skal ha kroktang samt
innretning til å kontrollere lengda på fisken.
Fanga laks utover kvoten skal leverast til Naustdal omsorgssenter. Kontakt Eiliv Erdal (90521997).
Følgjande retningsliner gjeld:
• Fisk skal bløggast så rakst som mogeleg
• Ikkje legg fisken på bakken og unngå direkte kontakt med jord
• All handsaming av fisken skal gå føre seg med god handhygiene
• Fisken leggast i rein behaldar som er eigna for kontakt med næringsmiddel
• Om ikkje fisken kan transporterast til mottak med ein gong, må fisken kjølast ned/frysast
midlertidig. Krav til kjølelagring er maksimalt 4 grader celsius. Fryselagring skal skje ved -18
grader celsius eller kaldare

§ 4 Kvotar og rapportering:
• Personleg døgnkvote på avliving av 1 laks t.om. 65 cm. Det er ikkje tillate å avlive laks over
65 cm.
• Samlekvote per døgn for avliving av laks t.o.m. 65 cm:
o For den delen av fiskeretten til Ellinor Friis, Mads Kleven og Eiliv Erdal under
Naustdalsfossen som vert leigd ut samla: 8 laks
o Hogafossen: 2 laks
o Hovefossen: 6 laks (Frank Rune Ås og Ole Magnus Klopstad)
• Fiske skal avsluttast straks døgnkvote er nådd.
• Døgnkvote går frå midnatt til midnatt.
• All fangst skal fortløpande rapporterast inn på www.inatur.no. Fiskar er sjølv ansvarleg for
fortløpande innrapportering av fangst. Feilrapportering eller mangelfull rapportering vert
sett på som brot på fiskereglane, og handsam i tråd med reglane i § 6 (Straff).
• Fisk som blir tatt opp og avliva utover kvoten skal rapporterast til Elveigarlaget og leverast til
Naustdal omsorgssenter
• Det skal takast skjelprøver av all avliva fisk. Desse skal leverast leiar i laget innan 15.09.2025.
I sesongen vil det vere høve til å levere skjelprøver på Best-stasjonen i Naustdal, i postkassen
til Eiliv Erdal, Berrvellene 7, og i ein låst postkasse som vert sett opp ved informasjonsskiltet
på Naustdalsfossen.
• Personleg døgnkvote på avliving av 1 sjøaure over minstemål på 35cm.

Evaluering
21.06.2025 vil det bli gjennomført ei evaluering av innsiget av laks, og Nausta elveigarlag vil i lag med
forvaltninga og Norsk institutt for naturforsking (NINA) vurdere og avgjere vegen vidare. Om det
syner seg at det er grunnlag for endringar av fiskereglane, vert alle medlemmer i laget informert om
dette. Midtsesongevaluering vil bli gjennomført rundt 10.07.2025.

§5 Desinfisering
Alt utstyr som skal nyttast til fiske i Nausta skal desinfiserast før ein startar fiske. Dei som kun brukar
fiskeutstyret i Nausta er friteken frå dette kravet. Kvittering skal på forlangande visast fiskeoppsyn.
Desinfiseringsstasjon er på Best bensinstasjon i Naustdal.

§6 Straff
Brot på reglane eller medverknad til brot er straffbart. Regelbrot kan medføre utestenging, gebyr og
melding til politiet. Fiske kan ikkje gjenopptakast før ilagt gebyr er betalt. Gebyr for brot på
fiskereglane er kr 4000,- med unntak for brot på kvote eller medverknad til dette, som er kr 8000,-.
Personar som blir teke for kvotebrot, bortvisast frå fiske i elva i 2 år. Personar som har vist
uakseptabel åtferd kan og bortvisast frå fiske i elva. Uakseptabel åtferd kan vere å ikkje imøtekomme
oppsynets pålegg, opptre truande eller sjenerande for andre fiskarar og grunneigarar. Bortviste
personar er sjølve ansvarlege for å avstå frå fiske. Om dette ikkje vert overhalde, vil utestenginga
utvidast. Fiske når vassdraget er midlertidig stengd straffast på lik line med brot på kvote. Fiskar har
plikt til å løyse den statlege fiskaravgifta. Verneting for tvistesaker er Sunnfjord Forliksråd og eller
Sunnfjord Tingrett.

§10 Ikraftreden
Desse reglane gjeld frå 01.06.2025.