Søknad - Jakt på småvilt utan hund - Vågå Fjellstyre

Dei som blir trekt ut får ein e-post og SMS om dette. Blir det søkt som jaktlag vil alle få same tilbodet. Du får ein frist til å takke ja/nei, som må overhaldast. Du får berre eitt tilbod. Hvis du ikkje får tilbod blir du ståande på venteliste. Vi tildeler vidare frå denne ventelista dersom nokon takkar nei til tilbodet sitt. Pass på at e-post og telefonnummer er korrekt utfylt slik at du får dei beskjedane du skal. Vi legg også ut melding på heimesida når trekninga er gjennomført.

Ved å søkje på jakt hjå Vågå fjellstyre aksepterer du følgjande:

1. Godtek at namnet ditt, adresse, postnummer, poststed og tildelt tilbod kan bli offentleggjort. Dette gjeld også eventuelle jaktlagsmedlemmar.
2. Ved å søkje på jakt plikter du å setje deg inn i reglar for søknad, trekning og jaktutøving hjå Vågå fjellstyre.
3. Jaktlaget er bindande og jegerar på laget kan ikkje endrast etter søknadsfrist/trekning.
4. Jaktkortet er personleg, og kan ikkje overdragast til andre. 
5. Betalt jaktkort blir ikkje refundert. Sjukdom, vær- og føreforhold er ikkje grunnlag for å få tilbakebetalt jaktkort. Dersom fjellstyret vedtek å ikkje opne for jakt på rype, vil jegere få tilbod om refusjon av 75% av kortprisen. Fråtrekket er eit adiminstrasjonsgebyr som i hovudsak vil gå til å dekkje kostnadar ved bruk av Inatur, og eige administrasjonsarbeid. Det kan òg bli gjeve tilbod om å overføre kortet til neste jaktsesong, eller at kortet kan nyttast på jaktbare arter. 
6. Fjellstyret kan av omsyn til småviltbestandene innføre begrensningar på jakt og fangst før eller under jakta (som t.d kvote), eller stoppe jakta etter jaktstart på kort varsel. Dette gjev ikkje grunnlag for refusjon av betalt jaktkort eller hytte. 

Generelt om området

Langmorkje statsallmenning ligg sør for Ottadalen og dekkjer områda frå omkring Lemonsjøen og innover Sjodalen til Gjendetraktene, på båe sider av elva Sjoa. Statsallmenningen grensar mot Lom i vest, Vang/Øystre Slidre i sør, og Sel/Nord-Fron i aust. 

Jaktkortet dekkjer eit areal på totalt 884 000 da. Området strekkjer seg frå skogkledde lier på ca 800 moh til store vidder med snaufjell opp til fjelltoppar over 2300 moh. Mykje av området er lett tilgjengeleg, og ligg i nærleiken av bilveg. Men for dei som ønskjer å ha fjellet "for seg sjølv", så der det ikkje problem å finne område der det er få andre jegerar. 

Trening av fuglehund skal, om hausten, foregå innanfor treningsfeltet i området Hoskelia/ Maurvangen/ grensa mot ØystreSlidre. Om vinteren er det opna for trening i heile Langmorkje statsallmenning, unntatt den delen av allmenninga som ligg innanfor grensene til Jotunheimen nasjonalpark.
For nærare opplysningar sjå Vågå fjellstyre si heimeside på: www.vaga-fjellstyre.no

Bestand av rype
Vi har dei siste to åra hatt nedgang i bestandane av både lirype og fjellrype. Før jakta blir det gjennomført taksering av lirype i nokre utvalde område. Resultat av taksering, tilbakemeldingar frå bruk av treningsfeltet inst i Sjodalen, rapportar etter fuglehundprøver samt andre tilbakemeldingar gjev grunnlag for fastsetting av årets dagskvote. 

Trening av fuglehund

For trening om hausten er det opna for dette i området Hoskelie og sørover til grensa mot Øystre Slidre (21. august - 14. sept.). Om vinteren, dvs. i februar og mars er det opna for trening i heile statsallmenninga, unntatt den delen av statsallmenninga som ligg innanfor grensene til Jotunheimen nasjonalpark. Kortsal på Inatur. For meir opplysningar, sjå fjellstyret si heimeside (www.vaga-fjellstyre.no). 

Lenker