Fuglehundtrening i Skjåk Almenning

Treningsfelt for fuglehunder i Skjåk Almenning. Gjeld heile Skjåk Almenning i jaktåret 2023/2024 pga. rypefreding.

Arter

  • Lirype
  • Fjellrype

Beliggenhet

Kontakt selger

Skjåk Almenning

61 21 39 00

firmapost@skjak-almenning.no

Kjøp/søk kort her

Om selger

Skjåk ligg øvst i Gudbrandsdalen, lengst nordvest i Oppland fylke, på grensa mot Sogn og Fjordane og Møre og Romsdal.

Frå aust følger ein riksveg 15 frå Lom, og frå vest via Stryn om Grotli.

Kommunesenteret Bismo ligg ved Riksveg 15, 18 km vest for Lom.

 

Skjåk Almenning er på heile 2 millionar dekar, og er den største private eigedomen i landet. Almenninga utgjer 95 prosent av arealet i Skjåk kommune. 6 prosent er skogkledt, medan vatn, elvar og brear utgjer 11 prosent. Resten er fjell og vidde. Høgaste topp er Nordre Hestbrepiggen på 2.172 m.o.h.

 

Skjåk er den mest nedbørfattige kommunen i landet - med tørre, varme somrar og stabile snøsikre vintrar. 

Skjåk er Norges største Nasjonalparkkommune, og store delar av Breheimen og Reinheimen Nasjonalparkar ligg i Skjåk.

 

Vi har 17 hytter i fjellområdet, der 3 ligg ved bilveg. 

 

Turkart Skjåk i målestokk 1:60 000 dekker heile Skjåk, med alle utleigehytter og merka turstigar innteikna.

 

Anbefalte lenker

 

Jaktkvoter

Mer detaljert beskrivelse

Skjåk Almenning har opna for trening med fuglehund i eit avgrensa område (avgrensinga gjeld ikkje for jaktåret 2023/2024). Alle som vil drive jakthundtrening må ha grunneigar sitt samtykke (jf Hundelova § 8). Skjåk Almenning har vedteke å frede rypa for jakt i 2023/2024. Difor opnar vi heile Skjåk Almenning som treningsområde, men merk vilkåra som er beskrivne nedanfor. 

 

Ver merksam på at det er husdyr på fjellbeite vanlegvis til siste halvdel av september. Hundeeigar er ansvarleg for eventuelle skadar som hunden måtte påføre. 

Det pågår storviltjakt etter både villrein, hjort og elg i Skjåk Almenning i løpet av hausten som skal ha eit fortrinn i framfor hundetrening. Vis omsyn og ver venleg å trekk unna område med aktiv jakt og i området med mykje villrein. Det er plass til alle, så ta kontakt med oss dersom du treng tips til treningsområde eller kontaktinformasjon til jaktleiarar. Sjølv etter jakta ynskjer vi at trening ikkje kjem i konflikt med villrein. Trekk i så fall godt unna i situasjonar der ein møter på villrein. 

 

Trening skal skje utan våpen. Trening med startpistol er tillate, men kortkjøpar skal gje melding om eventuelt bruk av dette ved kortkjøp til kristen@skjak-almenning.no 

Eit treningskort gjeld for inntil 2 hundar. 

NB! I Breheimen Nasjonalpark er det utvida bandtvang som trer i kraft 1.mars kvart år. 

 

 

Info ved år det er rypejakt og avgrensa området:

Treningsfeltet for fuglehund er avgrensa til nordsida av RV 15, frå Tora elv i aust til Geirangerkrysset i vest. Det aktuelle treningsområdet med lirypeterreng er ca 35-40 000 da stort (men grensa er trekt inn til fylkesgrensa så totalarelaet er mykje større). 

Treningstider haust; Frå og med 21. august til og med 10. september. I tillegg blir det opna for trening i perioden 2. oktober til 23. desember. Perioden utan treningstid er 11.september - 2.oktober grunna prioritering av jakt. 

Treningstider vinter; Frå og med 1. januar til og med 31. mars. 

 

Det blir sleppt sau på Billingen, og storfe ved Nysætre og i Tordalen. Vis omsyn til beitebrukarane om du løyser treningskort på hausten. Hundeeigar er ansvarleg for eventuelle skader som hunden måtte påføre. 

I vinterperioden, ut februar månad kan det vere jegerar i området. Ta omsyn til jegerar slik at treninga blir til minst mogleg ulempe ved utøving av jakt. 

 

Dersom det er låg rypebestand år om anna, kan ein tilby treningskort for fuglehund i heile jaktområdet til Skjåk Almenning også utanom dei gjeve datoane - som eit alternativ til jakt med hund. Dette blir det i tilfelle opplyst om på heimesida vår www.skjak-almenning.no

 

Jaktregler

Generelle reglar;

  • Ta alltid med treningskortet under trening. Dette skal førevisast oppsyn under førespurnad.
  • Treningskortet gjeld berre innanfor Skjåk Almenning sine grenser. 
  • Eit treningskort gjeld for inntil 2 hundar
  • Trening skal skje utan våpen. Startpistol er tillate, men det skal gjevast melding om at det skal nyttast ved kortkjøp. 
  • Ved trening i haustperioden må ein førevise bevis for at hunden har bestått sauedressur.
  • Ta omsyn til viltet - særleg om vinteren då det meste av vilt er på sparebluss og treng minst mogleg forstyrring.  
  • Hundeeigar er ansvarleg for skadar hunden eventuelt måtte påføre. 
  • Merk utvida båndtvang i delar av Breheimen NP fom. 1. mars. Sjå meir info og kart her. 

 

Den som kjøper kort er sjølv ansvarleg for å sette seg inn i andre avgrensingar som vert sett til dømes av Skjåk kommune med å innføre utvida bandtvang eller liknande. 

Dersom det blir innført utvida bandtvang som er fastsett av kommunen gjev ikkje dette grunnlag for refundering av kort.