Harejakt med hund - Skjåk Almenning
Kortet gjeld harejakt med hund i heile Skjåk Almenning frå 10. oktober.
Arter
- Hare
- Rødrev
- Grevling
- Røyskatt
- Mår
Beliggenhet
Kontakt selger
61213900
Kjøp/søk kort her
Om selger
Skjåk ligg øvst i Gudbrandsdalen, lengst nordvest i Oppland fylke, på grensa mot Sogn og Fjordane og Møre og Romsdal.
Frå aust følger ein riksveg 15 frå Lom, og frå vest via Stryn om Grotli.
Kommunesenteret Bismo ligg ved Riksveg 15, 18 km vest for Lom.
Skjåk Almenning er på heile 2 millionar dekar, og er den største private eigedomen i landet. Almenninga utgjer 95 prosent av arealet i Skjåk kommune. 6 prosent er skogkledt, medan vatn, elvar og brear utgjer 11 prosent. Resten er fjell og vidde. Høgaste topp er Nordre Hestbrepiggen på 2.172 m.o.h.
Skjåk er den mest nedbørfattige kommunen i landet - med tørre, varme somrar og stabile snøsikre vintrar.
Skjåk er Norges største Nasjonalparkkommune, og store delar av Breheimen og Reinheimen Nasjonalparkar ligg i Skjåk.
Vi har 17 hytter i fjellet, der to ligg ved bilveg.
Turkart Skjåk i målestokk 1:60 000 dekker heile Skjåk, med alle utleigehytter og merka turstigar innteikna.
Anbefalte lenker
Jaktkvoter
Mer detaljert beskrivelse
Harejakt med hund startar frå og med 10. oktober og varer ut februar. Jaktkortet gjeld heile Skjåk Almenning gjev rett til å felle hare og smårovvilt. Innmark er privateigd og inngår ikkje som ein del av jaktområdet. Dette gjeld også andre private eigedommar.
Det er varierande bestand av hare i heile området, men dei beste utgangspunkt for harejakt med hund er i områda Botn-Framruste, Bråtå og Sota-Mysubytta.
Det pågår storviltjakt (elg, hjort og rådyr) særskilt i perioden 25.9 - 20.10. Vi oppfordrar derfor harejegerar til å ta kontakt med storviltjegerane for å unngå interessekonflikt. Ta kontakt med Skjåk Almenning så vidareformidlar vi i så fall kontaktinfo til jaktleiarane.
Bruk av hund i jaktsamanheng: Ver merksam på at det framleis kan vere sau og andre beitedyr særleg på innmark i jaktperioden. Unngå å slepp hund nære slike område. I perioder med mykje snø og tunge forhold for hjorteviltet set vi også som premiss at ein ikkje slepp hund der dette kan bli ei utfordring. Dette med omsyn til fosterutvikling, og for hardt press (særskilt for rådyr).
Dei mest aktuelle utleigehyttene våre i forbindelse med harejakt er Liabu, Heggebotthytta og Legerhytta. I tillegg har vi nokre skogskoier ved Framruste og i Botn, ta kontakt med oss for meir informasjon.
Jaktregler
Jaktkortet gjeld jakt på hare og smårovvilt med "løs på drevet halsende hund" i tidsrommet 10. oktober - ut februar månad.
Alle som deltek i jakt med hund må løyse jaktkort for jakt med hund (ikkje berre hundeførar). Sjølv med jaktkort har ein ingen prioritet sett i samband med annan jaktutøving eller friluftsliv. Kommunikasjon og god samhandling er difor viktig. Ta gjerne kontakt med oss for å få informasjon om kven som jaktar elg og hjort i dei ulike områda.