Småviltjakt i Evanger-Sør Grunneigarlag

Evanger Sør grunneigarlag ligg i vestre del av Voss kommune med grense til Vaksdal Kommune. Kartlinken angir dei eksakte grensena, denne bør ein ta med på jaktturen, oversiktskartet som vises på web sida er eit grovutsnitt der grensa ikkje kjem fram heilt eksakt. Grunneigarlaget kan stoppe jakta før 30. oktober  selde kort vert ikkje refundert.
Jakt med hund er forbode. Det er kvote på 2 ryper pr. dag pr. jeger. 

Blyhagl-forbod trer no i kraft

Frå 15. februar 2023 er blyhagl forbode på jakt i og ved våtmark. I praksis må jegerar no bruke annan ammunisjon i så godt som alle jaktsituasjonar.

Les mer på  https://www.miljodirektoratet.no/aktuelt/nyheter/2023/februar-2023/blyhagl-forbod-trer-no-i-kraft/

Enklaste tilkomst til området er å køyre til Bolstadøyri og deretter opp i Rasdalen, eller køyre til Bulken og oppover til Hamlagrø, ta av mot Hyljarås og køyre inn til Flage Stølen. Herifrå er det kort stykke å gå opp til jaktområdet, det er privat området til ein kjem Nord for Hovden. Ein kan og gå opp frå Evanger, beste ruta herifrå er å gå opp Vossedalen. 

Det er og mogeleg å gå frå Bergsdalen, men då må ein vere klar over at ein må kryss eit anna grunneigarlag sitt område i år har dei same dato for jaktstar, kort er å få kjøpå på Inatur. I Bergsdalen kan ein og overnatte på Bergsdalstunet, på garden Lid. Då vil helga vera fullkomen sjølv om ikkje ein reiser heim med så mange ryper i sekken, tlf 56598934.

På Bolstadøyri tilbyr Bergagarden overnatting, nærmare opplysningar finn dykk på  www.booking.com.

Frå Flagestølen er det berre ein halvtimes biltur til Vossevangen, her finn ein både hotell og vandreheim. 

Det er og mogelegheiter for å fiske i Evanger-Sør sitt område, Vampavatnet, Osskardvatnet, Gråhorgavatni, Olatjørni og Hardfjellvatnet for nærmare opplysningar og kjøp av kort sjå: www.visitvoss.no.

Område som er avmerka rundt Rørbakken er privat område ålmenta har ikkje adgang til dette området.

Det er skotpremie på Rev og Mår, høvesvis kr 1500 og kr 1000.