Ufsbu - villmarkshytte midt i fiskeeldorado i Birtedalen

Ufsbu er ei perle av ein plass i eit fantastisk turområde.

Hytta er omkransa av vatn og er eit eldorado for dei som er interessert i fiske, jakt og friluftsliv.

Der er kano, båt og redningsvestar ved hytta. 

Her er nok av fiskevatn i grei gåavstand, og det er ikkje uvanleg å få fisk rundt halvkiloen i fleire av vatna.

Hytta består av eit rom med kjøkkenkrok, spisebord og sofakrok. I same rommet er det tre sengeplassar.

Det andre rommet er eit soverom med tre sengeplassar. Mellom desse romma er gangen og ein liten gang med muldo.

I uthuset er der fiskegarn som gjerne må brukast i Ufstjønn.

For å kome til hytta må du gå langs vestsida av Brutjønn, ca 2 km på sti.

Det er også anledning til å leige båt.

Dette må avtalast i kvart enkelt tilfelle.