Vågåbue - utleige til innanbygds i Vågå / Rental only for people livng in Vågå municipality.
Triveleg bu til utleige for innanbygds i Vågå kommune. Sjå "Om hytta" for meir informasjon. Rental only for people livng in Vågå municipality.
Størrelse og ankomst
- Senger til
- 4 personer
- Antall soverom
- 2
- Areal
- 35 m2
- Ankomst
- tidligst kl 15:00
- Avreise
- senest kl 14:00
- Avstand fra vei
- 18 km
- Adresse
- Gjendevegen 248
- Poststed
- 2683 Tessanden
Adresse
Beliggenhet
Kontakt utleier
Velg ankomst og avreise
Om utleier
Vågå fjellstyre forvaltar (etter Fjellova), bruksrettane til seter og beite, samt jakt, fangst og fiske i Langmorkje og Nordherad statsallmenningar i Vågå kommune. Langmorkje statsallmenning ligg på sørsida av Ottadalen og med eit areal på vel 884 km². Nordherad statsallmenning ligg på nordsida av Ottadalen (areal på vel 24 km²). Innafor området finn du m.a. Besseggen, Gjende, Sjodalen og Lemonsjøen.
For meir opplysningar sjå heimesida vår: Vågå fjellstyre
Om hytta
Tømra hytte av god standard i vestenden av Gjende, den ligg på sørsida av Gjende (omtrent rett over for bryggja i Gjendebu). Bua blir berre leigd ut til innanbygds i Vågå kommune. Det vil seie at Vågåbue er til bruk for fast busette i Vågå kommune (som har folkeregistrert adresse i kommunen).
Det er fleire grunnar til at bua ikkje blir leigd ut til utanbygds. Hovudgrunnen er at bua primært er bygd med tanke på tilrettelegging for utøving av fiske for innanbygds på Gjende. Dessutan har utanbygds eit godt alternativ ved å nytte DNT sine tilbud i Gjendebu.
Ved bryggja i Gjendebu ligg det ein kvit glassfiberbåt (av typen Sandstrøm) til disposisjon for dei som leiger Vågåbue. Den er ikkje av dei største båtane, men er godt brukbar ved normale vindforhold. Båten er låst og nøkkel ligg i kodeboks ved båten (kode er same som for bua, den får du oppgjeve når leige er bekrefta i orden). Ved ankomst med Gjendebåten må du difor ro over til Vågåbue. Båtmotor til bruk under fiske (6 hk) er i uthuset. Du må ha med redningsvest(ar) for roturen over, da det ikkje er mogleg å få lagra redningsvestar der båten ligg. Det er to flytedressar (1 stk i str L og ein i str. XL) til utlån i bua.
I uthuset heng det også eit sett med garn til utlån. 10 stk 35 mm og 5 stk 29 mm. Det er viktig at alle som låner garna, ordnar garna skikkeleg etter seg.
Det er dårlege forhold for mobiltelefon i vestenden av Gjende, du kan vera heldig å ha dekning på enkelte plassar, men stort sett er ein utanfor dekning.
Feilbestilling: Om personar som ikkje er rekna som innabygds bestiller hytta vil ordren bli kansellert, leigesum vil bli refundert etter fråtrekk av eit administrasjonsgebyr etter same reglar som for avbestilling (minimum 15% av leigesummen). Vedkomande vil sjølvsagt heller ikkje få oppgjeve kode til nøkkelboksen, og såleis ikkje få tilgang til bua.
Inncorrect ordering: If people who are not considered to be inhabitants in Vågå municipality books the cabin, the order will be cancelled and the rent will be refunded after deducting an administration fee, according to the same rules as for cancellation (minimum 15% of the rent). In the event of an incorrect order you will not be given the code to the keybox.
Hytte-/Avbestillingsregler
- Leigetakar disponerer hytta frå kl. 15.00 ankomstdagen til kl. 14.00 avreisedagen. Reiser du ut på fiske/tur på avreisedagen og veit at du ikkje vil vera attende før kl. 14.00 må hytta vera rydda og klargjort før ein reiser ut.
- Før avreise skal hytta vera vaska, rydda og klargjort for nye gjestar. Det er opphengt plakat med retningsliner og nødvendig utstyr for reinhald i hytta. Hugs å vaske kjøleskap, og ta med alt av matrestar, også tørrvare!
- Ved manglande reinhald vil leigetakar bli fakturert for reinhald/ rydding. Kostnad blir avgjort ut i frå arbeidstid som blir brukt for å få hytta i tilfredsstillande stand. Minimum kr. 2000,-
- For at alle skal få trygge og gode opphald er det viktig at og gjestane tek ansvar for smittevernet. Det er utplassert utstyr for overflate/ hånddesinfeksjon på alle hyttene.
- Dyner og puter kan brukast, men du må ha med eige sengetøy (laken, putretrekk, dynetrekk), i dei hyttene der det ikkje er dyner må du i tillegg til sovepose ha med laken og putetrekk.
- Gjer deg kjent med kor brannslukningsapparatet er, og sjekk at røykvarslarar fungerer.
- Det er lov med hund i hytta, men hundar skal ikkje vera i senger eller møbler. Dersom hund skal vera att aleine i hytta skal den vera trygt plassert i bur for å unngå skader på hytta. Det står eit bur i uthuset som ein kan setja inn i gangen om ein treng det.
- Eventuelle skader som oppstår på hytta og/eller inventaret skal varslast til ein av fjellstyret sine tilsette.
- Dersom du nyttar fjellstyrebåten, skal båtmotoren lagrast i uthuset når opphaldet blir avslutta og du skal reise. Det vil seie at du må ro over til bryggja og leggje båten på plass att der.
- På Gjende, som ligg i Jotunheimen nasjonalpark, kan motorbåt berre nyttast av innanbygds i samband med utøving av bruksrett (m.a. fiske).
Feilbestilling:
- Hytte kun for innanbygdsbuande i Vågå kommune. Om personar som ikkje er rekna som innabygds bestiller bua, vil ordren bli kansellert. Leigesum vil bli refundert etter fråtrekk av eit administrasjonsgebyr, etter samme reglar som for avbestilling (minimum 15 % av leigesummen).
Reglar for avbestilling:
- Ved avbestilling meir enn 4 veker før leigestart blir 85% av leigesummen attendebetalt.
- Ved avbestilling mindre enn 4 veker før leigestart blir 75% av leigesummen attendebetalt.
- Ved avbestilling mindre enn 2 veker før leigestart blir 50% av leigesummen attendebetalt.
- Ved avbestilling mindre enn 1 veke før leigestart blir 25% av leigesummen attendebetalt.
- Ved påbegynt leigeforhold blir det ikkje attendebetalt leige.
Varsel om avbestilling skal skje på e-post til fjellstyret, vaga@fjellstyrene.no.
Inncorrect ordering: If people who are not considered to be inhabitants in Vågå municipality books the cabin, the order will be cancelled and the rent will be refunded after deducting an administration fee, according to the same rules as for cancellation (minimum 15% of the rent). In the event of an incorrect order you will not be given the code to the keybox.
Nøkkelhenting
Nøkkel heng i kodeboks ved døra. Koda får du oppgjeve ved å henvende deg til fjelloppsynet etter at bestilling/betaling er bekrefta.
Veibeskrivelse
Parkering: På parkeringa ved Gjendeosen.
For å koma til Vågåbue vil dei fleste nytte seg av båttransport innover Gjende, anten med eigen båt, eller med Gjendebåten. Dei som skal drive fiske har løyve til å bruke motorbåt på Gjende. For dei som ikkje har, eller ikkje vil bruke eigen båt, har fjellstyret båt til disposisjon for dei som leiger Vågåbue. Båten ligg like ved bryggja i Gjendebu. Du må ro over til Vågåbue (ta med eigen redningsvest), båtmotor står i uthuset.
Om du vil gå frå Gjendebu til Vågåbue, må du gå "rundt" vestenden av Gjende. Dette inneber kryssing av åa frå Svartdalen. Det går greitt på "normal" vassføring å ta seg over på steinane, men det kan vera ei utfordring ved stor vassføring.
Vinterstid er bua svært lite brukt, men stuttaste/enklaste vegen inn er på ski over Gjendeisen.
Turtips
Stongfiske i Langmorkje startar 15. mai. Garn- og oterfiske startar 15. juni på Gjende. Sjå fiskereglane for meir detaljer. Elles er bua sjølvsagt eit godt utgangspunkt for turar i Gjendeområdet.
Jakt- og fiskekort kan løysast her på Inatur, eller på ei av turistbedriftene i området.