Ny-hytta på Kampen. Nær Besseggen i Sjodalen. Ei uberørt perle 1050 moh.

Kampen er perfekt utganspunkt for tur i Jotunheimen og Nasjonalparkriket. Du kan jakte rett frå hytta og slepp å sette deg i bilen! Kjøp jaktkort for Langmorkje statsallmenning på inatur! www.nasjonalparkriket.no, 

www.visitjotunheimen.no, www.inatur.no

Me kjøpte garden Sygard Kleppe og Kampesetra juli 2018. Oss har leigd på Kleppe i fem år. Veldig takksame og audmjuke over å kunne få kjøpe denne eventyrgarden. Unik i Nasjonal målestokk med kulturhistorie og samlinga av gamle tømmerhus på Kleppehøgda i Vågå. I huset vårt (frå 1700 tallet) vart Jo Tjøstolvson Kleppe fødd. Meir kjend som legenda Jo Gjende - Norges største og djervaste reinskyttar og fjellmann. Han lika seg også godt på Kampen. 

NATURLEG RIK

- Oss ska på setra oss, seier Ragnhild 3 år stolt. Me skal vere der i mange dagar, legg ho til! Ho tar Olaguten på 1,5 år i hånda og han nikkar forstandig. Dei to har hatt ein fantastisk sumar med fjellspa, barbeint heile dagen, turar i fjellet, sett geitar, rein, rev, hauk, falk og ikkje minst plukka mange blomar og steinar. Vaffelrøre er populært når ein kan steike det på bålet ute. Og blåbærsyltetøy er enno betre når ein har plukka dei sjølv. 

MENNESKJE & NATUR

For oss er dette ei uberørt perle. Tidlaus og autentisk. Me likar det enkle og naturlege. Gå barbeint på tunet. Gå på jakt utan å sette seg i bilen. Et når du er svolten, søv når du er trøtt. Sola som er der frå morgon og til seine kvelden. Den unike utsikta utover Øvre -og Nedre Sjodalsvatn omkransa av kvite fjelltoppar over 2000 meter. Besshø ligg solid med Besseggen og Veslefjellet under seg. Glittertind og  Nautgardstind blir bada i kveldssol. Ny-hytta og Gamlehytta delar felles tun på setra.

FOR  ALLE

Ein kan oppsøke det ville og ein kan likevel ha det nære. Ein kan vere ung, spræk villmann, dyktig jægerinne eller gamal og har lyst å kvile - denne staden passar for alle. Fuglehundane våre Vilja & Ylva elskar også setra og terrenget. 

VERTSKAPET

Tone Jorunn kjem opprinneleg frå Telemark og har jakta småvilt og storvilt sidan ho var 16 år. Smygjakt på brølande hjort og elg er noko av lidenskapen saman med jakt på tiur eller rype. Friluftslivet er mangfoldig med ski, topptur eller padling. Like viktig som livet i natur er musikk, song og utøving, foto og formidling. Gått Norge på langs (2005) og kryssa Grønland på ski (2013). Utdanning: Cand. Scient naturvitenskap, vegleiarstudium i Friluftsliv og mestarstudium i Vokal folkemusikk, Ole Bull- Akademiet. Har drive eige firma Huldra & Eg AS sidan 2010. www.huldraogeg.no

Gunnar kjem opprinneleg frå Vågå og har sidan han var liten elska fjellet, ski og topptur. Han jaktar både småvilt og storvilt. Rein og rype er lidenskap. Er glad i folkemusikk og spelar fele i Vågå Spelemannslag. Utdanna som byggingeniør og jobbar for plan -og arkitetkontoret Nordplan AS. www.nordplan.no

HUSROM & HJARTEROM

Må innrømme at me aller helst ville hatt setra for oss sjølve, men tenkjer at dette kan vere tilleggsnæring for drifta til Kleppe. Så derfor opnar me dørene til deg og dine!

Tunet har to hytter som er nesten heilt like i storleik. Ny-hytta og Gamlehytta. Sjå salgsside per hytte. Me kan leige ut begge hyttene. Kajakk (2 stk), kano og båt ligg ved Nedre Sjodalsvatn. Desse er låst, men gjestene våre får lnøkkel og åne gratis. To vester tilgjengeleg. Ein ny steinsovnsbakt pizzaovn (gass) er flott for å lage pizza ute. Vi har to bålpanner og fleire soner med utemøbler på tunet.

I naturen vaknar sansane - Velkomen til Kampen!

Ragnhild, Ola, Tone Jorunn & Gunnnar