Grønbua, koseleg hytte i Jotunheimen

Hytta ligg i Veodalen ved eit lite fiskevatn, 150 meter frå vegen til Glitterheim, ca. 1 km frå grensa til nasjonalparken. Vegen frå Tesse eller Randsverk innover til Glitterheim vert vanlegvis ikkje brøyta og opna for trafikk før i første halvdelen av juni.  Hytta er på ca. 30 m2, og har to rom (utan dør imellom). Det er tre sengeplassar og ei lausmadrass. Du må ha med sengetøy, inkludert dyne/pute, sjå vedlagt instruks for smitteverntiltak.

Det vil vera høve til leige i sperra periode om sommaren, men dette må avtalast direkte med fjellstyrekontoret eller fjelloppsynet.

Om hausten kan snøfall føre til at vegen innover Veodalen brått vert ufarbar, da den ikkje blir brøyta.  Leige av hytta seinhaustes, frå den 16.10., må derfor også avtalast direkte med fjellstyrekontoret eller fjelloppsynet.