Bøvertjønnen Lom- Familiehytte ved Jotunheimen

Hytta ligg i Lom kommune, i hyttefeltet ved Bøvertjønnen, like ved riksveg 55 over Sognefjellet. Hytta er romsleg med to soverom og fire sengeplassar. Hems med plass for lausmadrasser.Du må ha med sengetøy og/eller sovepose, inkludert dyne/pute, sjå vedlagt instruks for smitteverntiltak.  Tilrettelagt uteområde.

Hytta er eit godt utgangspunkt for vårskiturar t.d. til Loftet eller toppane innover Leirdalen. Når fv 55 Sognefjellsvegen opnar rundt 1.mai, er det fint utgangspunkt for toppturar frå Sognefjellet mot Smørstabbtindane og Fanaråken.

Det er gode fiskemulegheiter i området med fiskevatn og elvar i fleire retningar. Øvre del av Bøvra elv er kjend for fine forhold for flugefiske, Bøvertjønnene og Dalsvatnet er barnevenlege fiskevatn med mykje fisk. Fjellstyret har båt til leige på Høyvatnet, og i hytta ligg garn som kan leigast. Kontakt fjellstyret for leige av garn eller booking av båt. Kjøp fiskekort for Lom på www.Inatur.no.

I vintermånadane kan fv. 55 vere stengt i Leirlia ved innkjøringa til Leirvassbu.  Da er det ca. 4 km å gå fram til hytta.

Elles er det bilveg nesten heilt til hyttedøra.