Forsthytta i Randsverk, Vågå.

Enkel, gammal, og triveleg hytte med sjarm og historie. Gode jakt-, og fiskemoglegheiter. Fenomenale turmoglegheiter, sommar og vinter.

Hyttekalender

INVITER PÅ TUR! Del på

Hyttedetaljer

Størrelse og ankomst

Senger og utstyr til
8 personer
Antall soverom
2
Areal
45 m2
Ankomst
tidligst kl 15:00
Avreise
senest kl 14:00
Avstand fra vei
0 km (sommer)
0 km (vinter)

Annet

Husdyr tillatt
Ja

Utstyr og fasiliteter

Oppvarming
Strøm og ved. Vedfyring i open peis, eller vedovn.
Strøm
Ja, inkl. i leigesummen.
Toalett
Utedo
Vann
Nei, må tas med , kan evt. hentes i bekken nedanfor hytta om sommaren.
Dusj
Nei
Kokemuligheter
Elektrisk komfyr
Oppbevaring av mat
Kjøleskap (kombi kjøl/ frys)
Sengetoy
Dyner/ puter, leietager må ha med eigne dynetrekk/ laken/ putetrekk.
Kjøkkenutstyr
Nødvendig kjøkenutstyr for enkel hushaldning.

Veibeskrivelse

Sving av Rv. 51, Sjodalsvegen, i Randsverk og inn på Fugelsetervegen, kjør den ca 500 m, hytta ligg på venstre side av vegen. Følg skilting mot Glitterheim/ Jotunheimen.

Om oss

Vågå fjellstyre forvaltar, etter Fjellova, bruksrettane til seter og beite, samt jakt, fangst og fiske i Langmorkje og Nordherad statsallmenningar i Vågå kommune. Langmorkje statsallmenning ligg på sørsida av Ottadalen og med eit areal på vel 884 km². Nordherad statsallmenning ligg på nordsida av Ottadalen (areal på vel 24 km²). Innafor området finn du m.a. Besseggen, Gjende, Sjodalen og Lemonsjøen.

For meir opplysningar sjå heimesida vår: Vågå fjellstyre

Kontakt oss

Vågå fjellstyre

Erik Myrum/ Knut Øyjordet

907 39335/ 909 66277

vaga@fjellstyrene.no

Lenker på denne siden

  • Ingen lenker

Om hytta

 

Pris for leige: kr. 500,-/døgn. 

Triveleg hytte i seterområde i Randsverk i Vågå. Forsthytta er bygd i ca. 1880, og standard og interiør ber preg av det, så vi har ei hytte med enkel standard, men med særpreg, og der historia sit i veggane. Sidan hytta er såpass gamal er den ikkje av dei varmaste med tanke på vinterbruk. Det har opp gjennom tida vore utført ulike vedlikehaldsarbeid på hytta så noko standardheving har det vore sidan 1880. Våren/ forsommaren 2016 vart taket renovert, og det vart sett inn ein ny vedovn slik at det nå skal bli lettare å få fyra opp hytta. Våren/ sommaren 2018 vart det gjort eit større vedlikehaldsarbeid. Det rommet som før var kjøken vart omgjort til soverom, slik at hytta nå har to soverom. Ny kjøkeninnreiing vart montert i opphaldsrommet, nå har ein da kombinert kjøkken og stove. I samband med renoveringa vart golva slipte og lakka, og veggane på soveromma fekk ny farge.

 

Hytta ligg like ved vegen som fører inn mot Fuglesetra, og Glitterheim i Jotunheimen, og er eit godt utgangspunkt for jakt, fiske og fjellturar. Det tek ca ein halvtime med bil til Gjendeosen, om du vil gå Besseggen, og det er ca 5 km til Lemonsjøen der det er både alpinanlegg, og svært godt utbygd skiløypenett. Elles er det ca 1 km til Randsverk Camping der det er sesongopen kiosk/ butikk og kafeteria.

Det er to soverom med 6-8 sengeplasser (to familiekøyer, og ei vanleg køye), kjøken med spiseplass, og stugu med salong, peis og spisebord i hovudrommet. Elles er det innreidd ein enkel "vaskekrok" i gangen (der er det kaldt om vinteren..), og ein "vaskekrok" på soverommet. Området rundt hytta er inngjerda. Doen er ein enkel "gamledags" utedo i uthuset.

 

Forstassistent, I. Hadeler Bruun sende i  januar 1878 ein søknad til forstmester J.B. Barth om midlar til å byggje ei forsthytte i Randsverk. Forstassistenten fann det av mange ulike grunnar uholdbart å losjere på setrene i Randsverk, i sitt arbeid i skogen i Langmorkje, m.a på grunn av mykje uro om nettene sidan "som bekjent ere arbeidsfolk her stedse oppe fra klokken 4 om morgenen, under moseinnsamlingen endog adskillig tidligere", og inneklima på setrene var vel og så som så, han skriv ihvertfall; " At ogsaa de atmosfæriske forholde under saavidt stor ansamling af Mennesker, ikke altid af renfeldigste slags, i forbindelse med at ysting og koging foregaar i samme fællesrom bliver alt andet end sunde og behagelige er en selvfølge..... . J.B. Barth sende svar om at skogdirektøren hadde innvilga søknaden med kr. 650,- til byggjing av forsthytte i Randsverk den 9. juni 1878.

Hytteregler/Avbestillingsregler

  • Leigetakar disponerer hytta frå kl. 15.00 ankomstdagen til kl. 14.00 avreisedagen.
  • Før avreise skal hytta vera vaska, rydda og klargjort for nye gjestar. 
  • Ved manglande reinhald vil leigetakar bli fakturert for reinhald/ rydding. Kostnad blir avgjort ut i frå arbeidstid som blir brukt for å få hytta i tilfredsstillande stand.
  • Gjer deg kjent med kor brannslukningsapparatet er, og sjekk at røykvarslarar fungerer.
  • Det er lov med hund, men hundar skal ikkje liggje i senger eller møbler. Dersom hund skal vera att aleine i hytta skal den vera trygt plassert i bur for å unngå skader på hytta, og/eller møbler/ inventar.
  • Eventuelle skader som oppstår på hytta og/ eller inventaret skal varslast til ein av fjellstyret sine tilsette.

 

Reglar for avbestilling:

  • Ved avbestilling meir enn 4 veker før leigestart blir 90% av leigesummen attendebetalt.
  • Ved avbestilling mindre enn 4 veker før leigestart blir 75% av leigesummen attendebetalt.
  • Ved avbestilling mindre enn 2 veker før leigestart blir 50% av leigesummen attendebetalt
  • Ved avbestilling mindre enn 1 veke før leigestart blir 25% av leigesummen attendebetalt
  • Ved påbegynt leigeforhold blir det ikkje attendebetalt leige.

Nøkkelhenting

Du får opplyst kvar du hentar nøkkelen når du har bestilt hytta. Opplysningane kjem fram på kvitteringa frå Inatur når du har bekrefta bestilling, så ta vare på den kvitteringa.

Turtips

Vågå fjellstyre har gode moglegheiter for dei som vil drive jakt og fiske. Det er fritt kortsal for jakt utan hund, og det er mogleg å fiske både med stang, oter og garn. Vil ein fiske om vinteren når ein i løpet av ein halvtimes biltur Flatningen, som er eit populært vatn for isfiske. Fjellstyret har og båtar til utleige på fleire små fjellvatn innanfor ein halvtimes kjøring frå hytta.

Jakt og fiskekort kan løysast her på Inatur, eller på Randsverk camping.

Elles er hytta eit godt utgangspunkt for fjellturar, turar i Jotunheimen (Besseggen, Glttertind), sykkelturar, rafting, og for dei som likar å gå, eller stå på ski.

  

Webkamera:

Lemonsjøen (webkamera)

Gjendeosen (webkamera)

 

Andre aktuelle lenker:

 Vågåfjell turløyper

Lemonsjø alpinsenter

Gjendebåtene

Randsverk camping

Vågå kommune

Andre aktuelle tilbud