Nasaroi-trivlegt støylshus på Haukeliheia
Gamal støyl på 900 moh i barnevenlegt terreng. Nasaroi ligg fint til i enden av Nasatjønn omgjeven av fjellbjørkeskog og flotte fjell. Gratis fiske med stong og garn. Min 2 døgn leige.
Størrelse og ankomst
- Senger til
- 6 personer
- Antall soverom
- 2
- Areal
- 50 m2
- Ankomst
- tidligst kl 16:00
- Avreise
- senest kl 13:00
- Adresse
- Haukeliheia
- Poststed
- 3895 Edland
Adresse
Beliggenhet
Kontakt utleier
Velg ankomst og avreise
Om utleier
Me, Gyri og Raymond bur på garden Midtveit i Haukeli. saman med våre tre born på 8 år, 11 år og 18 år.
Etter mange år i Lofoten/ Vesterålen overtok me garden i 2013. Gyri jobbar som lærar og Raymond jobbar som rørlegger.
Me er glad i å gå på tur sommar og vinter og er godt kjende på fjellet. Spør oss gjerne om du vil ha turtips!
Om hytta
Nasaroi
Nasaroi er opprinneleg ein gamal støyl. Støylshus frå 1940 med to etasjar. Nyrenovert haust 2013. Hytta har stoge, kjøkken og tre soverom samt stor terasse.
6 (7) sengeplasser er fordelt slik i 2.etg:
Soverom 1:
Dobbeltseng, enkeltseng og barnealkove med to senger.
Soverom 2:
Dobbelseng
NB: 2. etg har skråtak og det er ikkje full takhøgde. Dette er soverom for vaksne då trappa ned er i enden av senga. Dette kjem fram av bilda.
Kjøkkenet er lite og enkelt. Kjøkkenbord med 4(6) spiseplassar. Vedovn. Stoga er lun med peisovn og sofagruppe.
Veranda med god plass til utebord og 6 stolar. Stor låve der ein kan sette medbrakte syklar, ski, pulk mm. Her står også grill, utestolar, flytevestar, garn etc de kan nytte under opphaldet. Liten gasskomfyr på låven til å varme rundstykker. Venlegst set dette på plass ved avreise.
Lita sandkasse i "hagen", sjå bilete.
Nasaroi ligg på Haukeliheia, 5 km frå Haukeli. Flott turterreng med mange turvegar både til toppar og flatare barnevenlege turar. Mange fine fiskevatn(aure). Det nærmaste, Nasatjønn, har desverre mykje og liten fisk. Enkelt for ungar å få fisk her på både stong, garn og oter. Robåt tilgjengeleg 300 meter frå hytta.
Ikkje brøyta veg vinterstid men mogleg å bestille scootertransport.
Dårleg veg siste 3oo meter (går bra å køyre så lenge bilen ikkje er låg under).
Drikkevatn
Kaldt vatn i kran inne på kjøkkenet. Denne er stengt på vinteren.
Propan
Viktig å slå av propanapparat når det ikkje er i bruk. Når de forlet hytta eller ved avreise, skal koblinga frå flaska takast av.
Røykmeldar
Det er røykmelderar i stoge og gang samt oppe i 2.etg. Sjekk gjerne batteria ved ankomst. Nye batteri er i framskap i stue. Brannslokningsapparat finn du i yttergang.
Mobildekning
Det er grei dekning på Nasaroi. Ein kan lade mobil, kamera etc ved å nytte overgang til 12 V med tilhøyrande usb. Denne skal ligge i hytta.
Ved
Det er sjølvbetjening med ved. Kr 150,- per sekk som de betaler kontakt i blå plastboks. Vedsekkane finn de på låven. Ved som ikkje ligg i sekkar er privat.
Toalett
Utedoen er inne på låven. Viktig: Legg papir i bøtte ved sidan av do. VIKTIG: Brenn dette ved avreise og legg i rein plastpose. Bruk gjerne sanitærbark/aske etter bruk.
Hytte-/Avbestillingsregler
Ikkje lov med hund i hytta. Det er ikkje lov å røyke inne i hytta!
Dette må du ta med:
- Sengetøy/lakenpose/ sovepose og handklede(det er puter og dyner til 6 pers i hytta) Vi leier ut dette for kr 150 per sett om ein har gløymt dette, inkl stort og lite handklede. Det er madrasstrekk og putetrekk men det skal allikevel nyttast eige sengetøy.
- Toalettpapir
- Ta også med reingjeringsklutar (gulv og bord). Vaskemiddel til gulv og oppvask er i hytta.
Ved avreise
Rydd og vask hytta med varmt såpevatn. Riste teppe. Tøm ovnane for aske. Ta med søppel og tomgods. Avfallstasjon for restavfall, glass, papp og papir ved sidan av Edland Treindustri (Industrianlegg).http://kart.minrenovasjon.no/#/RV/11/94239/6642241
IKKJE KAST SØPPEL I CONTAINER TIL VELEMOEN CAMPING!
Mangelfull utvask/ rydding vil bli fakturert med minimum kr 800,-
Nøkkelhenting
Nøkkel ligg i keybox ved sidan av inngangsdør. Kode får du i bookingbekreftelse frå Inatur.
Veibeskrivelse
Vegbeskrivelse
Køyr til Esso/ Spar Haukeli. Ta av mot Arabygde. Etter ca 1 km, ta av og følg bygdeveg til UTGARDEN. Følg bygdevegen til øverste garden. Køyr vidare langs grusveg. Betal kr 20,- ved grinda. Køyr grusveg til endes. Dei siste 500 meter er vegen noko dårlegare. Om du har senka/ lav bil kan det vera lurt å vera obs/ eventuelt parkere ved sauehegne (ca 500 meter før Nasaroi).
Merk, det er litt vått i myra mellom P-plass og Nasaroi, best med støvlar, fjellsko. Trillebår til disposisjon ved P-plass (merka NASAROI).
Vinter
Vinterstid er ikkje brøytt. Det betyr ein må gå opp på ski, eventuelt leige scootertransport. Ta kontakt med oss om de ynskjer dette. Kr 800,- for scootertransport ein veg. På Haukeliheie er det ikkje oppkøyrde løyper. Her må ein lage låm sjølv eller gå langs scooterspor (ikkje alltid det er det heller).
For spørsmål send oss gjerne ein epost til
gyri@midtveit.com eller ring Gyri: 95 93 57 93, Raymond: 90 17 36 02 eller Halvor(far): 913 65392
Turtips
Haukeliheia er ei fin lita hei for friluftsglade folk. Fint turterreng for heile familien sommar og vinter. Støylsvegar ein kan utforske til fots eller på sykkel- eller barnevogn (offroad).
Her kan ein møte på mange slags dyr: Elg, hjort, rådyr og iblant reinsdyr. Rikt fugleliv med anna rype og storfugl.
Fine turar sommarstid på Haukeliheie:
Nasafjell
Heibok
Videmonuten
Rundt Heibok
Gjøsløysdalen via Dalakvammen
Pilgrimsvegen over til Vågslid
Tjønndalen via Måketjern
Fint å fiske og bade i Kranstjern
Nasaroi er eit fint utgangspunkt for å utforske Vinje:
Tur på Haukelifjell: Vesle Nup, Havradalen, Dyreskar (støylsbesøk der ein kan få kjøpt geitost)
Besøke Tungvannsmuseet på Vemork, Rjukan
Gaustatoppen
Rundtur over til Hovden-Valle- Dalen- Åmot-Haukeli
Kulturtur Vinje rundt- besøke Myllarheimen-Raulandsutstillinga- Vinjeutstillinga, Mjønøy og Haukeliutstillinga
Kafètur til Bjåen Fjellstove- fint turterreng (sommaropen kafè)
Båt og fiske
Raud Pioner båt ligg nede ved osen av Nasatjønn. Garn og flytevestar heng på låven (26/28 omfar/småmaska). Vi blir veldig glad om de fiskar. Bruk gjerne oter i Nasatjønn, spennande aktivitet for ungane. Nasatjønn har desverre mest småfisk men kan vera heldig å få brukbakre storleikar også.
Andre fiskevatn de kan fiske fritt i på Haukeliheia er Kranstjønn, og Kvævetjønnane, sjå kart på vegg. Fin fisk her, opptil kilosfisk.
Turforslag på Haukeliheia
- Nasafjell sti oppfor hytta. Følg traktorveg og ta til venstre når den sluttar. Følg sti over Nasafjell. Til dels eksponert.
- Heibok-fortsett etter å ha gått over Nasafjell over neste fjellrygg, Heibok. Eller gå opp ved lang tømmerhytte og følg sti opp. Turbok ved varde og fantastisk utsikt!
- Videmokvæven- turmål med mulighet for rast inne i vår vesle jaktbu. Står open. Start Breidalen. Kan fortsette ned til Dalakvammen og Gjøsløysdalen (merka på kart).
- Tjønndalen- følg bil/traktorveg frå Sylvro.
- Kranstjønn-idyllisk tjern. Fin liten tur for små føttar. Start frå Breidalen. Ca 30 min å gå.