Hytte i Birtedalen i Fyresdal. Mange fine fiskevatn!

Birtehytta ligg flott til i Øvre Birtedalen, i Fyresdal i Vest-Telemark. Ei enkel, triveleg hytte med plass til fire, som ligg heilt i sørenden av Birtevatn med sandstrand, sein kveldssol og utsikt til fjella rundt. Terrenget er myrlendt, med tjern og skog, mange turstiar, og du treng ikkje gå langt for å kome over skoggrensa. Her kan du fiske, padle, plukke bær, gå i skogen eller på fjellet. På vinterstid blir det køyrt opp skiløyper som ligg rett ved. Det er bilveg heilt fram til Birtehytta. Robåt ligg ved Birtesanden. Redningsvester kan lånes.

Hytta har kjøkken, stove og fire enkeltsenger, ca 190 lange, i køye, fordelt på to soverom. Enkel standard, utedo i svalegangen og ikkje innlagt vatn eller straum. ​Vatn hentar du i bekken, eller i brønnhus, og maten lagar du med propan og kokeplate. Forbruksvarar som fyrstikker, toalettpapir og stearinljos må du ta med sjølv. 

Ver merksam på at det kan vere mykje knott og mygg i området i juli månad.