For INNENBYGDSBOENDE i Øystre Slidre Statsallmenning (fiskekort)

Fiskekortet gjelder KUN for de som er bosatt i Øystre Slidre kommune. Kjøpte kort refunderes ikke.

The fishing license applies ONLY to those who live in Øystre Slidre municipality. No refund.

Fiskeplassen skal forlates ryddet. Fiskeavfall skal graves ned eller fjernes pga fare for spredning av parasitter. 

Nye fiskeregler gjelder fra og med 1. februar 2026. 

Med heimel i fjellova §§ 28 og 30 fastset fjellstyret følgjande reglar for fiske i Øystre Slidre statsallmenning og Heimdalen:

1. Fjellova sitt krav til busetnad

·         For å bli rekna som innanbygdsbuande må ein person vere fast busett og registrert i folkeregisteret i Øystre Slidre.

·         Utanbygdsbuande er dei som det siste året har vore fast busette i Noreg, men utanfor Øystre Slidre.

·         Dei som det siste året har vore, og framleis er, busette utanfor Noreg er utlendingar.

2. Fiskekort

Fiske kan berre drivast med gyldig fiskekort. Barn og ungdom under 16 år treng ikkje å løyse fiskekort eller betale avgift for fiske med krok utan fastståande reiskap. Innanbygdsbuande under 16 år må likevel løyse fiskekort for 1 kr for å kunne fiske med fastståande reiskap.

Frå fylte 16 til og med det året ein fyller 20 år, kan ungdom løyse fiskekort for 1 kr.

Alle er omfatta av gjeldande fiskereglar. Oppsynet vil krevje legitimasjon.

3. Reiskapsbruk

Det er alltid forbode å nytte annan reiskap enn stong, handsnøre, oter, line, isonglar, og botngarn. Ruse til fangst av abbor er tillate i Yddin, Trollåstjednet og Langetjednet. I forskingsvatnet Øvre Heimdalsvatnet er det berre tillate å fiske med stong eller handsnøre.

* Isonglar: eldre nemning for fastståande snøre eller krok med agn brukt ved isfiske (iskroker).

Unntak:

• Fiske med oter er tillate på Øvre Heimdalsvatnet for alle mot løysing av eige fiskekort. Det kan seljast inntil eit (1) kort per døgn.
• Fiske med garn er tillate på Nerre Fisketjednet for alle mot løysing av eige fiskekort. Det kan seljast inntil eitt (1) kort per døgn, og det kan nyttast inntil ti (10) garn med maksimal maskevidd 35mm, per kort.

Merking

Garn, ruser, liner og isonglar skal vere tydeleg merkte med fiskaren sitt namn og adresse på godt synlege merker. Fiskaren skal sjølv delta ved utsetting, vekjing og opptaking av garna. Fiskaren kan ha med seg den medhjelparen han eller ho ønskjer under fisket.

Endringar i reiskapsbruk skal evaluerast etter 3 år.

4. Personar busette utanfor Noreg

Dei som det siste året har vore fast busette utanfor Noreg (utlendingar), kan fiske med stong/handsnøre.

5. Utanbygdsbuande

Utanbygdsbuande har ikkje lov til å bruke oter, fastståande reiskap eller meir enn to fiskestenger eller snøre per fiskar.

Ved dorging med båt blir éin dorg rekna som éi stong eller eitt snøre med eitt kroksett (sluk, spinnar, markdrag eller liknande). Det er lov å bruke inntil to stenger per fiskar og maksimalt fire stenger per båt. 

 Under isfiske kan det nyttast inntil 2 pilkestikker per fiskar. Det er eit krav at den som fiskar er til stades og har kontinuerleg tilsyn med fiskereiskapen.

 Stong eller handsnøre som er sett ut frå land, eller festa på isen utan tilsyn, blir rekna som fastståande reiskap, og er ikkje tillate.

Unntak:

• Fiske med oter er tillate på Vinstre mot løysing av eige fiskekort. Det kan seljast inntil fem (5) kort per døgn.
• Fiske med garn er tillate på Rjupetjednet mot løysing av eige fiskekort. Det kan seljast inntil eitt (1) kort per døgn, og det kan nyttast inntil ti (10) garn med fri maskevidd per kort.
• Fiske med oter er tillate på Tansbergfjorden mot løysing av eige fiskekort. Det kan seljast inntil eit (1) kort per døgn.
• Fiske med oter i Urektjednet, Perstjednet, Rjupetjednet, Storetjednet i Skreddalen,

Stortjednet ved Skaget og Sanddalstjednet er tillate for dei som har kjøpt fiskekort for stong- og oterfiske.

Merking

Som under punkt 3.

Endringar for utanbygdsbuande skal evaluerast etter 3 år.

6. Innanbygdsbuande

Med det unntaket som er fastsett i punkt 5, er fiske med oter, line, isonglar, garn og ruse berre tillate for dei som det siste året har vore, og framleis er, fast busette i Øystre Slidre kommune.

* Isonglar: eldre nemning for fastståande snøre eller krok med agn brukt ved isfiske (iskroker).

Fiske med garn

I tabellen nedanfor er det lista opp kva vatn det er lov å fiske med garn i, kor mange garn som kan nyttast, tidsrommet for garnfiske og dei maskeviddene som er tillatne i dei enkelte vatna.

Namn på vatnet                                                     Tal på garn pr. fiskar                  Minste maskevidde                       Tida for garnfiske (f.o.m.-t.o.m.)

Vinstre                                                                   26                                               16 omf/39 mm                               15/6 kl. 17:00 - 4/9                     

Tansbergfj., Finnefj., Storetj.(Skag),

Storetj. (Skreddalen), Sanddalstj og                    10                                               18 omf/35 mm                               15/6 kl. 17:00 - 4/9

den del av Yddin som ligg i allmenningen                                                                                                                                                                           

Midtre Saur, Sørre Saur, Ø.Skreppetj.,

Svultatj., Kjølen, Trøllåstj., Langetj.

(Trøllåsen), Skåltj., den delen av Sørre                  6                                              18 omf/35 mm                               15/6 kl. 17:00 - 4/9  

og Nørre Kjølavatna som ligg i allm.,

Stryta, Skreddalstj.,Gravoltj. og Flåtj.                                                                                                                                                                                 

Fjelltjednet                                                                6                                             16 omf/39 mm                               1/8 - 4/9                                      

Rjupetjednet, Urektjednet og

Perstjednet                                                                                    Inga grense på antal garn, maskevidde eller tid.                                                      

Kvart garn skal ikkje vere lengre enn 25 meter. Same person kan ikkje fiske i meir enn eitt vatn om gongen. Det er ikkje tillate å ha garn ståande nærare bekkeos enn 50 meter.

Garn og liner skal vekjast kvar dag. Garn, ruser, liner og isonglar skal vere tydeleg merkte med fiskaren sitt namn og adresse på godt synlege merker. Fiskaren skal sjølv delta ved utsetting, vekjing og opptaking av garna. Fiskaren kan ha med seg den medhjelparen han eller ho ønskjer under fisket.

7. Gjeld for alle

Bruk av båt under fiske er tillate. Ved ulovleg fiske frå båt blir båtføraren halden ansvarleg på same måte som den som handterer reiskapen.

Alt fiske i elver og bekker er freda f.o.m. 5.09 t.o.m. 25.10.

Brot på desse reglane vert straffa jf. fjellova §37.

Reglane tek til å gjelde 1. februar 2026.