Fiske på Voss

Generell beskrivelse

Vossakortet gir tilgang til fiske i nærare 500 tjørn og vatn, og i mange elvestrekningar. Ca 70 % av arealet i kommunen ligg over 600 m.o.h., og Vossakortet gir tilgang til store fjellområder i Stølsheimen, Gråsida, Bordalsfjella og i Raundalen mot Finse. I sør grenser fjellområda til Hardangerfjorden, i nordaust mot Sognefjorden. Fiskekortet omfattar og fiske i fleire store innsjøer som Myrkdalsvatnet (delar av vatnet), Opheimsvatnet, Lønavatnet og Vangsvatnet. I Lønavatnet og Vangsvatnet er det røye i tillegg til aure. Det er fine moglegheiter for elvefiske ovanfor anadrom del av vassdraget, ikkje minst i Strandaelva som er attraktiv for flugefiske.

Det er nokre få vatn som Vossakortet ikkje gjeld i. Desse er ikkje avmarka på kartet. Her plikter kjøpar seg å rette seg etter informasjon på plassen eller frå grunneigar. 

Fiskebestand
I mange fjellvatn er det fine aurebestander med god kvalitet og moglegheiter for fisk opp mot kiloen. Mange grunneigarlag driv aktivt med kultiveringstiltak. I Vangsvatnet og Opheimsvatnet har det vore utfiskingsprosjekt i fleire år. Dette har gitt fisk med fin matkvalitet.

Beliggenhet og terrengbeskrivelse
Voss kommune ligg i indre del av Hordaland, og har fjellområder som grenser både til Sognefjorden og Hardangerfjorden. Kommunen har eit variert landskap med lågland, skogsområder og mykje fjell. Vossavassdraget er hovudvassdraget i kommunen, med ca 40 km anadrom strekning. Det er mange moglegheiter til turopplevingar i Voss kommune, der det for eksempel er flott å kombinere fotturar og fiske.