|
Bestand
Vi har dei siste åra hatt dårleg bestand av både lirype og fjellrype, som i store delar av Sør-Norge. Vågå fjellstyre har også i år taksert nokre område, og har i tillegg rapportar frå jaktprøve, og treningsfeltet inst i Sjodalen. Det er brukbar produksjon av lirype i enkelte delar av området, men med lokale variasjonar. Generelt kan vi seie at årets produksjon av lirype er litt under middels. Produksjonen av fjellrype veit vi lite om ennå. Vågå fjellstyre vil likevel la småviltjakta gå som vanleg også i år, med tanke på kortsal, og utan begrensing på antal felte ryper pr. dag. Men vi vil på det sterkaste oppfordre alle jegarar til å vise omsyn for rypebestanden, og hauste forsiktig av årets bestand. Dette med tanke på å behalde stamfugl til neste år. Vågå fjellstyre vil, på førehand, takke for at du som jeger er med og tek ansvar for ei forsvarleg hausting av rypebestanden.
Generelle regler
Jegaren skal alltid bera jaktkortet på seg ved utøving av jakta. For utfyllande reglar sjå jaktreglane for Vågå Fjellstyre.
Beliggenhet og terrengbeskrivelse
Området ligg sør for Ottadalen og dekkjer områda frå omkring Lemonsjøen, innover Sjodalen til Gjendetraktene, på båe sider av elva Sjoa. Langmorkje statsallmenning grensar mot Lom i vest, Vang/ Øystre Slidre i sør, og Sel/Nord-Fron i aust.
Terrenget er som sagt, svært variert frå tette bjørkelier til snaufjell og vidstrakte steinflyer. Dette gjer at det bør vera gode sjanser for alle til å finne seg eit terreng ein trivs i.
Mykje av området er lett tilgjengeleg, og ligg i nærheit til bilveg. Men for dei som foretrekkjer å ha fjellet for seg sjølve er det ikkje problem å finne seg område der ein svært sjeldan ser andre jegarar dersom ein er viljug til å ta med teltet og gå eit stykkje.
Erfaringane viser at jegarane har ein tendens til å samle seg på dei mest "kjende" plassane. Dette gjeld spesielt dei første dagane av jakta, det kan difor vera lurt å prøve å finne seg område utanfor dei mest brukte delane av terrenget.
|
