|
Fiskebestand
Hovudarten i vatna og vassdraga i Langmorkje er aure, men vi har og røye i to vatn, Flatningen og Surtningen. Med Flatningen som eit svært populært vatn for isfiske. Vågå fjellstyre er medeigar i, og driv eit settefiskanlegg i Randsverk. Frå det anlegget blir det sett ut fisk av lokale stammer, i vatn som av ulike grunnar ikkje har nok naturleg rekruttering.
Fisketips
Noko av sjarmen med fiske er etter vår meining å finna sine eigne plassar og prøve seg fram med agn og fiskemåtar.
Men av dei mest populære plassane er Sjoa frå utløpet av Gjende og nedover, dorging på Lemonsjøen og Flatningen, og isfiske etter røya på Flatningen frå isen legg seg og til utpå nyåret.
Generelle regler
Bruk av båtmotor er lov på Flatningen, Lemonsjøen, Nedre Sjodalsvatn og Øvre Sjodalsvatn, maks. motorstørrelse er 6 hk. På Gjende og Bessvatnet er bruk av motorbåt kun tillatt for innanbygds i samband med utøving av bruksrett (m.a. fiske). Desse to vatna har strengare reglare som ein følgje av at dei ligg i Jotunheimen nasjonalpark.
Oter- og garnfiske for utanbygds kan skje på følgjande vatn: Veslevatnet, Slomtjønn, Nedre Birisjøtjønn, Birisjøen, Griningsdalsvatnet og Brurskarstjønn.
Utanbygds kan i tillegg fiske med oter på: Surtningen, Øvre Leirungen, Leirungstjønnen og Svartdalstjønnen.
Beliggenhet og terrengbeskrivelse
Mange av vatna og elvestrekningane ligg tett inntil bilveg og er lett tilgjengelege. Men vi har og tjønner og vatn høgt til fjells for dei som liker å gå eit stykkje før fiskinga tek til.
Fjellstyret har båtar til utleige på fleire vatn, båtane kan leigast på ei av turistbedriftene i nærleiken. Leige av båt kostar kr. 100,- pr. døgn, for meir opplysning om båtleige sjå heimesida vår på www.vaga-fjellstyre.no eller ta kontakt med oss.
|
