|
Fiskebestand
Aure er det einaste fiskesalget i alle vatn og elver.
Mange av vatna er så høgtliggjande at det ikkje er naturleg rekkruttering av auren. I mange vatn vert det derfor sett ut settefisk jamnleg. Før skjedde dette helst om hausten, men nå har vi teke i bruk snøscooter til dette arbeidet på dei mest avsidesliggjande vatna, og set ut fisken gjennom isen om våren. Dette har effektivisert dette arbeidet vesentleg.
På nokre få vatn er det så stor sjølvrekruttering at det er overbefolka, og tett av småfisk.
På dei vatna det er best næringstilgang, er det ikkje uvanleg å få fisk på mellom 1 og 2 kg, men fisk i vektgruppa 0,3 - 0,7 kg er det vanlege.
Fisketips
Områda i og rundt Veodalen og Smådalen i aust, og Bøverdalen i vest, er dei mest aktuelle på vår og forsommer da det her er tidlegaste isløysinga. Sesongen er stuttast i dei vestlege traktene, da det sjeldan er fiskbart her før siste halvdelen av juli. Dette gjeld for dei høgtliggjande områda opp mot 13-1500 m.o.h.
Generelle regler
Sjå "Fiskereglar for Lom fjellstyre" og "Vedlegg til fiskereglar" som finst i tilboda. Ta utskrift av reglane ved kjøp av fiskekort.
Fiske med stong er lovleg for alle, både utlendingar og nordmenn.
Fiske med oter er lovleg både for innanbygds og utanbygds i Norge, men ikkje for utlendingar. Utanbygds kan fiske med oter på alle vatna unnateke desse: Eilevsvatnet, Sylvetjernet, Leiråstjernet og Halsatjerna (Bakkebergstjerna). Bruk av båt for utanbygdsbuande til oterfiske vert tillate på alle vatna der utanbygdsbuande har løyve til å fiske med oter.
Garnfiske er lovleg berre for innanbygdsbuande i Lom, med unntak på Høyvatnet. Her kan også utanbygdsbuande busette i Norge fiske med garn. Dei må da ha fiskekortet som gjeld for oter- og stongfiske. Dei garnkvotane som står i reglane gjeld pr. kort. Det er høve til å ha med folk som ikkje har garnfiskekort, som rors- kar/kvinne.
Beliggenhet og terrengbeskrivelse
Allmenningane utgjer einstor del av dei sentrale delane av Jotunheimen. Nesten alt areal ligg høgare enn 900 m.o.h.
Mange av vatna er lett tilgjengelege, men det er også område med fleire timers gongavstand, der ein er heilt einsleg om fisket.
Terrenget er av det tøffaste høgfjellsterrenget vi har i Norge, og vert meire alpint dess lenger vest ein kjem. Tak omsyn til dette ved utrustning på lengre turar inn i området. Sjølv midt på sommaren kan det gå snøbyger i desse fjelltraktene.
|
